Lurralde ainguraketa

EKINTZA ARTISTIKOAK

Kiribil Konpainia

Aktiboa lurraldean

Konpainiaren lana hedatzen da, Senpereko LARREKO kultur etxean duen egoitza administratibotik, Departamendu osora, baita ere Landes departamenduraino, eta Ipar eta Hego Euskal Herri osoan.

Lotura sendo batek batzen du Kiribil bere sorreratik, Gasteizen kokatua dagoen TEATRO PARAISO konpainiarekin, hogeita hamar urte baino gehiagoz espezializatua dena haurtzarorako ekintza artistikoetan.

Kiribil-ek hego Euskal Herriarekin lankidetzak sendotzen eta garatzen ditu. URMAELA eta MAITEDER ikuskizunen sorrerak horren adibideak dira, Kiribil Errenterian egoitza duen DEJABU konpainiarekin lan egin baitu.

IKUSI MIKUSI (Haur eta Gazte Literatura azoka) Jaialdiaren sorrera lurralde administratibo ezberdinetako hiru bazkideren mugaz gaindiko benetako lankidetzaren beste adibide bat da.

Urtero, tokiko egiturek edo zuzenean eskolek, dei egiten diote Kiribil konpainiari, “CLEA” ( “Contrats Locaux d’Education Artistique ») batzu (tokiko hezkuntza artistiko kontratuak) egiteko eta animatzeko, eskoletan edo institutuetan, euskaraz edo frantsesez.

Euskal Kultur Erakundeak, Euskal Hiriguneak, Pirineo Atlantikoetako Departamentuak, DRAC-ek, Akitania-Euskadi-Nafarroa Euroeskualdeak, Eusko Jaurlaritzak eta Nafarroako Foru Komunitateak… Kiribil konpainia laguntzen dute.

TAULA federazioko kidea da ere, Euskal Herriko 20 konpainia biltzen dituena. Helburua ideiak eta proiektuak bateratzea da, esperientziak eta praktikak trukatzea, baita ere lurraldeko hausnarketa politiko eta kulturaletan parte hartzea.

Bordelen kokatua den “SCIC Pôle Régional Culture et Santé”-ko kidea da ere, eta bertan, “egindako arte ekintzen gizarte-eraginaren neurketa” taldeko kidea.