- +33 (0)6 72 62 08 14
- prodkiribil@gmail.com
Menu
Menu
Balore berdinek bultzatutako bost artistek konpainiaren proiektuak gauzatzen dituzte, eta aldizka, beste artista batzuk gonbidatzen dituzte ere, abenturak partekatzeko.
Andereñoa formazioz eta 19 urtez irakasten aritu ondoren, Amaia Hennebuttek lanbidez aldatu zuen, eta gaur regun, haur literaturan idazle-ilustratzailea, ipuin kontalaria, aktorea eta Kiribil konpainiako zuzendari artistikoa da.
Bide artistikoen bidegurutzean, guztion sentikorren esnatzeko ikuskizunak sortu eta antzeztu nahi ditu. Bere senak gidatuta, Kiribil “iragazkirik gabeko” gisa deskribatzen dituen publikoetara eraman du konpainia: publiko oso gaztea (ñiñiak), menpeko adinekoak edo gaixoak, gerrako errefuxiatuak…
Idazle-ilustratzailea ere bada, eta bere hamabosgarren album-ilustratua argitaratu zuen 2021ean. Bere lan asko oholtzara taularatuak izan dira, hala nola, “Otso “, Théâtre des Chimères-ek 2013an, edo “Lodikroko” 2007an Elirale konpainiak (2016an berpiztua), baita ere Himalaya 2012an.
Azkenik, Donostian egoitza duen GALTZAGORRI elkarteko lehendakaria da ere, 30 urte baino gehiago dituen elkartea, euskarazko haur eta gazte literatura sustatzeko eta garatzeko ezinbesteko erreferente bilakatu dena, Euskal Herri osoan.
30 urte baino gehiagoz euskal kultur sorkuntzan sartuta, oholtza gainean hasi zen musikari gisa. Azkar bihurtu zen soinu eta argi teknikari hainbat kultur proiektutan.
Itsasuko Errobiko Festibala lehenengo jaialdietako zuzendari teknikoa izan da, eta ZTK-k ekoitzitako ikuskizun guztiena da (Animalien Ihauteriak, Aitarik ez dut, Duda etab…), baita Kiribilren ikuskizunena ere.
Pirotecnia VALECEA enpresako C4-T2 piroteknikaria izan da ere, eta argi “elektrikoa eta piroa” sortu zuen Pantxika Telleriak eta Christophe Hiriartek Lagunarterako “ZUN” ikuskizunerako.
Gaur egun, PIROTEK-eko artifizial nagusia da. Cie des Syrtes-eko zuzendari teknikoa da ere.
ZTK diskak ekoizpena eta ZTK liburuak argitalpen proiektuak gainbegiratzen ditu.
Bidaiatzeko eta argazkilaritzarako duen grinak munduko kontinente guztietara gidatu dute, batez ere Asian eta Hego Amerikan murgiltze luzeekin, non urruneko kulturak ezagutzeko gogoa eta herri eta kulturekiko interesa asetzeko gai izan baitzen.
Planeta zaintzeko eta ingurumena errespetuarekiko sentibera, energia berriztagarrietan aitzindari eta enpresa-burua izan zen. Gaztetik borroka-tekniketan eta Txinako energian trebatua, Arte martzialetan irakaslea ere izan zen.
Indiako eta Afrikako perkusioak aurkitu eta sakondu zituen India, Senegal eta Bordeleko hainbat formaziotan.
Gaur egun argazkilaria, gitarrista, perkusionista eta aktorea da. Kiribil konpainiak garatzen dituen balioei atxikita, 2021ean sartu zen taldean.
Bizitza profesional atipikoa du Alinek esperientziaz aberatsa.
Marketing-komunikazio-kudeaketan trebatua, 15 urteko ibilbidea egin du horretan, bai ekitaldien sektorean, bai luxuzko hotelen sektorean, baita komunikazio arduradun gisa, edo Telekom enpresarako negoziatzaile sektorean.
Hala ere, bere buruari garrantzitsuak iruditzen zaizkion borroketan konprometitzea da bultzatzen duena. Betidanik oso inplikatua izan da publiko behargabe eta ahulduen alde lan egiten duten elkarteetan.
Bidaia humanitario baten ondotik, bere bizitza aldatzea erabaki zuen, eta hezitzaile espezializatua bilakatu zen. Orduz geroztik, elbarritasun eta haurren babesaren sektorean lan egiten du.
Konpainiarako boluntario gisa konprometitu da 2 urtez sektore mediko-sozial proiektu artistikoetan, eta 2022. urte hasieran sartu zen ofizialki lanean konpainian.
Konpainiak harreman estuak ditu beste artista eta konpainia batzuekin, bakoitzak Kiribil-en lanaren oihartzuna duten proiektuak sortuz, eta bere proiektuaren eraikuntzan parte hartuz.
Jean-Philippek René Simon ikastaroan trebatu eta antzerki ikasketak egin zituen Paris III Censier Unibertsitatean.
Aldi berean, dantzari garaikide gisa formatzen da, eta Alberte Raynaud-en Dantza konpainian sartu zen 1983tik 1993ra. Gero Compagnie des Syrtes-en sartu zen, eta orain Corinne Lallemand zuzendariarekin batera zuzentzen du.
Dantza garaikidea irakasten du Rosny-ko National Circus School-en, Châlons-en-Champagne-ko CNAC-en, Parisko ENSATT-en eta Lyon-en, Angers-eko Compagnie Jo Bithume-kin.
Konpainia askotarako koreografiak egiten ditu, besteak beste: Compagnie du Papillon, Ensemble Fa7, Schpouki Rolls, Compagnie Jo Bithume.
Charlottek hamar urtez lan egin zuen exekutibo gisa, kultur eta ekitaldien sektoreetan. Zientzia politikoetan lizentziatua da eta 2. masterra du kultur administrazioan.
Musikaria eta aktorea da, eta dantza eta kantua ere lantzen ditu: kantu klaseak hartzen ditu Feldenkreis metodoan oinarritutako Cynthia Sinigaglia eta Robert Sussumarekin, baita ere, Roy Hart Institutuan praktikak egin ditu Linda Wise eta Daniela García Castrorekin. Haurrentzako albumetarako eta podcastetarako hainbat idazlanetan ere laguntzen du.
“Pôle Culture et Santé” egituran, konpainiaren erreferentea da eta, hortaz, kultur ekintzak eta osasun sektoreari egiten den ekarpena aztertzeko tresnak garatzen ditu. Oro har, proiektuen diseinuaz eta koordinazioaz arduratzen da, baita lankidetzaz ere.
Kiribil-ek eskatuta, 2018ko urrian Senpereko “Livres en famille” liburu azokarako, Pantxix BIDARTek “OdiSeA” sortu zuen. Sorkuntza honek Ulisesen abenturen Odisea berrikusi, eguneratu eta garaikidea proposatzen du, antzinako euskal testuetan eta kultur erreferentzietan oinarrituz.
Pantxix Bidart abeslaria eta musikaria da.
BBAXeko kidea da orain (Marie Bidart, Mirentxu Agerre eta Paxkal Indorekin) eta 2015. urte amaieran lehen diskoa argitaratu zuen, Elebi bikotekoa (Thierry Carrèrerekin) eta Balea proiektukoa. Azken bi proiektu hauen barruan, grabaketak ere abian dira.
Azkenik, Badok 14-ren sortzaile eta gidaria da, Radio Kulturan eta Euskal Irratietan emititzen den euskal kantuari buruzko programa.
TEATRO PARAISO, haurtzaroari zuzendutako hainbat lan artistikorako saritutako konpainia da.
Gasteizen kokatua, 30 urte baino gehiago eman ditu Arteari (ikuskizunak eta sentsibilizazioak), eta publiko oso gazteari (3 hilabetetik aurrera) dedikatzen.
KIRIBIL eta TEATRO PARAISO bi konpainiek oso lotura estua mantendu dute Kiribilren sorreratik.
Kiribil-en sorkuntza guztiak KUNARTEn TEATRO PARAISOREN lantokian, landuak izan dira.
DEJABU PANPIN LABORATEGIA Errenterian, Donostiatik gertu kokatutako konpainia ezagutua da.
Ainara Gurrutxaga, Urko Redondo eta Miren Alcalá konpainiaren bazkide sortzaileak dira.
Elkarlan artistiko aberats eta emankorra garatu da Ainara GURRUTXAGArekin, Kiribil-en URMAELA eta MAITEDER ikuskizunak zuzendu eta oholtzara eraman dituena.
Ce site internet à été financé à 50% par la Communauté Pays Basque dans le cadre du plan de soutien à la culture BERPIZTU
info@kiribil.net // © Kiribil All Rights Reserved Kiribil // Création Cynthia Ribeton // La Fabrique